Flug til Helsinki með Icelandair, verð frá 37.165 kr.*

Helsinki í hnotskurn

Af öllum höfuðborgum norrænu þjóðanna fer líklega minnst fyrir Helsinki. En hún er fullrar athygli verð, sérstaklega ber að nefna sánurnar, heimsþekkta hönnun og svo hrífandi náttúru rétt utan við borgarmörkin.

Í Helsinki má líka sjá einstaka samsetningu byggingarstíla, hér má greina sænsk og slavnesk áhrif í samspili við art nouveau.

Margir kannast við hönnunarstíl Alvars Aalto, sem teiknaði fjölda áberandi bygginga í Helsinki, og Eero Saarinen, sem á heiðurinn að leikhúsinu Kaartinkaupunki.

Svo má nefna glæsilegar kirkjur við torgið framan við þinghúsið og steinkirkjuna svonefndu, Temppeliaukio Kirkkom, sem byggð er ofan í granítklöpp.

Með Icelandair VITA er hægt að bóka pakkaferð til Helsinki.

Forvitnilegir staðir í Helsinki

Ef þú vilt komast að rótum þeirrar sköpunargáfu sem getið hefur borginni gott orð á heimsvísu, ættir þú að heimsækja hverfið Punavuori, sem liggur í hjarta þess svæðis borgarinnar sem helst er tengt við hönnun. Hér er nóg af sérviskulegum búðum, vintage-verslunum, galleríum og vinnustofum ungra hönnuða.

Meðal þekktustu hönnunarmerkja Finnlands er Marimekko, en merkið er þekkt fyrir bjart og glaðværa hönnun sem notuð eru í fatnað og til að klæða húsgögn, og Iittala sem framleiðir fallega muni úr gleri og postulíni fyrir heimilið, meðal annars Múmínálfa-bollana.

Til að upplifa Helsinki í hnotskurn skaltu grípa með þér lautarferðarkörfu og taka 15 mínútna ferju til Suomenlinna. Þar er hafnarvirki sem nær yfir 6 litlar eyjar. Ekkert er betra en að enda finnska daginn með eimbaði. Nútímaleg sauna er í hinni fallega staðsettu Allas Sea Pool en það er líka gaman að fara í gamaldags eimbað í Kotiharju Sauna. Það er kynt upp með eldivið og var byggt árið 1928.

Ef þú ætlar að skoða þig um í borginni í nokkra daga gæti verið skynsamlegt að kaupa svokallaði Helsinki-kort (e. Helsinki card) sem veitir aðgang að fjölda safna og annarra áhugaverðra staða í borginni.

Flug til Helsinki um sumar og vetur

Í Helsinki gætir allra duttlunga veðurfarsins á norðurslóðum, en fjölbreytileikinn setur líka ákveðinn svip á borgarlífið, skapar sérstakt andrúmsloft.

Sumarið í Helsinki er bjart eins og það íslenska. Þó sumrin geti verið rigningasöm, eru þau almennt hlý og gefa færi á hvers kyns útiveru.

Á veturna vaknar svo til lífsins annars konar menningarlíf: alls kyns vetraríþróttir, sánur og fjörugt nætulíf, auk ýmissra viðburða kringum jólahátíðina. Ódýrasta flugið til Helsinki er almennt frá nóvember og út mars, að desember undanskildum.

Ferðast til Helsinki um vor og haust

Ef þú vilt sleppa við mesta erilinn í borginni en njóta engu að síður birtu og veðurblíðu, er kjörið að ferðaðst til Helsinki að hausti eða vori.

Þegar vorar fer daginn að lengja og náttúran að blómstra - njóttu útiverunnar í litríkum görðum, kirsuberjablómin eru sérstaklega tilkomumikil.

Ráðlegt er að bóka flugið með góðum fyrirvara til að fá sem hagstæðast verð, sama á hvaða árstíma haldið verður í ferðalagið.

Samgöngur í Helsinki

Það er auðvelt að komast leiðar sinnar um miðborg Helsinki. Í raun eru flest helstu söfnin og merkisstaðir á borð við þinghústorgið og höfnina í göngufæri hver frá öðrum.

Einnig er vinsælt að ferðast um borgina hjólandi og öflugt net hjólreiðastíga stendur hjólreiðamanninum til boða.

Ef þú ætlar í lengri ferðalög, er almenningssamgöngukerfi borgarinnar, HSL, fullbúið til að skila þér klakklaust á leiðarenda. Hér standa til boða strætisvagnar, neðanjarðarlestir, sporvagnar og ferjur. Þú færð aðgang að öllu kerfinu á einum miða.

Þú getur ferðast með báti til eyjarinnar Suomenlinna á HSL-miða, en athugaðu að til að ferðast til hinna eyjanna þarf að kaupa aðra miða.

Matur í Helsinki

Nýnorræna matargerðin hefur líka náð fótfestu í Finnlandi og Helsinki er heimastaður margra sælkeraveitingastaða. Þar fá afurðir af landi, hvort sem það er kjöt eða jarðsprottið, gjarnan að njóta sín. Renndu yfir matseðlana sem samanstanda af nýjum fiski og villibráð á borð við hreindýr, elg og stundum bjarnarkjöti!

Ef þú vilt borða eins og og heimamenn, skaltu halda til Kauppahalli (markaðshúsið). Vanha Kauppahalli hefur selt matvörur síðan 1888 og finnskt góðgæti, eins og reyktur fiskur, kanilsnúðar, rúgbrauð og árstíðabundin uppskera er hér til sölu í glæsilegri umgjörð.

Villtir sveppir eru týndir þegar hægt er og ber eru eftirsótt þegar tíðin er rétt. Það er vinsælt að tína múltuber, en það eru fallega gulbrún og eftirsótt ljúfmeti.

Ef þú vilt drekka eins og heimamenn drekka skaltu fá þér kaffi og svo aðeins meira kaffi. Vissir þú að Finnar drekka meira kaffi en nokkur önnur þjóð?