Bóka flug til: Montreal

Flug

Tegund ferðar:
Brottfarastaðir og áfangastaðir
Expense account
Farþegar:
Farrými:
Leita eftir:
Icelandair flýgur beint til Montréal, sem er önnur stærsta borgin í Kanada, frá maí fram í október.

Montréal er í Quebec fylki í Kanada, en það er höfuðvígi frönskumælandi Kanada þar sem um mikill meirihluti íbúanna hefur frönsku að móðurmáli. Enska er einnig opinbert tungumál og er töluð hvar sem komið er.

Fjölbreytt afþreying í Montréal

Það er margt hægt að gera í Montréal. Borgin var til dæmis valin á lista hönnunarborga UNESCO árið 2006 og þykir skara fram úr þegar kemur að því að hvetja íbúa til virkrar þátttöku í hönnun nærumhverfis síns.

Við mælum með að heimsækja CCA safnið (The Canadian Centre for Architecture) þar sem bæði safnkostur, tímabundnar sýningar og byggingar eru skýr dæmi um vægi hönnunar í borginni.

Ein besta leiðin til að kynnast borginni er á hjóli. Fjölmörg fyrirtæki leigja út hjól og bjóða upp á skipulagðar ferðir.

Verslun, söfn og merkir staðir

Hægt er að versla bæði ofan- og neðanjarðar í Montréal og margir hafa heyrt um neðanjarðargöngugöturnar sem eru um 32 km á 12 km2 svæði. Það er af mörgu að taka þegar kemur að verslun og hægt er að nefna L’avenue du Mont Royal og Bonsecours-markaðinn, en verslunarunnendur ættu að geta fundið flest milli himins og jarðar á þessum tveimur stöðum.

Þeir sem hafa áhuga á kanadískri sögu og menningu ættu að heimsækja The Château Ramezay safnið þar sem allir safngripir tengjast sögu og uppbyggingu Kanada á einhvern hátt. Sjálft húsið var byggt á 18. öld og var heimili fyrirmenna.

Eins má nefna Notre Dame basilíkuna, byggða í gotneskum stíl, sem er fagurlega skreytt og litfögur og enginn eftirbátur nöfnu sinnar í París.

Mannlíf og menning í Montréal

Mannlífið blómstrar á götum og strætum Montréal á sumrin, þá ekki síst í gömlu Montréal (Old Montréal). Þú getur heimsótt matarmarkaði, hlýtt á götulistamenn og notið þess að fylgjast með fólki á fjölbreyttum kaffihúsum. Götulist Montréal á sér líka marga aðdáendur og auðvelt er að eyða degi í að leita uppi listaverk götunnar. Tónlistarunnendur þekkja einnig margir hljómsveitina Arcade Fire, sem kemur einmitt frá borginni. 

Gott að vita

  • Flugvöllurinn heitir Montréal-Trudeau (YUL) og er 20 km frá miðbæ borgarinnar.
  • Samgöngur í borginni eru ágætar og rekið er neðanjarðarlestarkerfi, sem er ódýr og þægilegur kostur fyrir gesti.
  • Icelandair flýgur til Montréal fjórum sinnum í viku frá maí fram í október, á mánudögum, þriðjudögum, fimmtudögum og laugardögum.