London (LHR) - Heathrow flugvöllur / London Gatwick Airport

Heathrow-flugvöllur í London er fjölfarnasti flugvöllur á Bretlandseyjum og sá þriðji fjölfarnasti í heimi. Það er þó óþarfi að örvænta því öll þjónusta er við höndina. Skýr og skorinorð skilti vísa réttu leiðina í vegabréfsskoðun, að farangursbeltum og í tollskoðun og svo áfram að borgarsamgöngum, yfir í aðrar flugstöðvar og bílastæði.

Gatwick flugvöllur er annar stærsti flugvöllur á Bretlandseyjum og þjónustar yfir 200 áfangastaði í yfir 90 löndum. Það fara um 33 miljónir farþega um flugvöllinn á ári hverju.