Hvað er að fljúga vel?

Þegar þú flýgur viltu að þér líði vel. Að það fari vel um þig og að þjónustan sé góð frá því að þú innritar þig og þar til þú kemur á áfangastað. Við kappkostum að gera þína ferð eins áreynslulausa og þægilega og hægt er. Það er ein ástæðan fyrir því að þú flýgur betur með Icelandair.

Hvað er innifalið hjá Icelandair?





Er farangur innifalinn?

Farangur er innifalinn í öllum fargjöldum nema Economy Light. Þú getur innritað 1 tösku allt að 23 kg á öllum öðrum fargjöldum.

 

Hvað með handfarangur?

Handfarangur er ávallt velkominn um borð. Þú mátt hafa með þér eina tösku, allt að 10 kíló að þyngd, og handtösku að auki.

Er einhver hressing í boði?

Allir óáfengir drykkir eru innifaldir, alltaf. Þegar hungrið kallar geturðu pantað létta rétti af matseðli á Economy Class gegn vægu gjaldi. Eins geturðu keypt léttvín og sterka drykki. Matur og drykkur er innifalinn á Economy Comfort og Saga Class.

 

Er endalaus afþreying?

Það gefur auga leið. Í afþreyingarkerfi Icelandair hefur þú aðgang að meira en 600 klst. af kvikmyndum, sjónvarpsþáttum og alls konar tónlist. Þú ræður dagskránni og nýtur hennar á þinum eigin skjá á leiðinni.

Vildarpunktar um borð?

Í öllum okkar vélum geta félagar Saga Club verslað vörur fyrir Vildarpunkta bæði í Saga Shop Collection og Saga Shop Kitchen. Það þarf bara að framvísa Sagakorti Icelandair ásamt kreditkorti og láta áhöfn vita að þú viljir greiða með Vildarpunktunum þínum. Punktaðu það hjá þér.

Bóka flug fyrir Vildarpunkta?

Lítið mál, þú getur notað Vildarpunkta sem hluta af greiðslu eða borga fyrir allt fargjaldið ásamt sköttum og gjöldum með því að nota greiðsluvalmöguleikann Punktar og peningar. Þar safnarðu einnig punktum við það að nota punktana þína. Þú getur bókað flug fyrir Vildarpunkta fyrir hvaða flug, sæti og tímabil sem er.

Ertu að ferðast lengra?

Þegar þú tekur tengiflug með samstarfsaðilum okkar þarftu ekki að hlaupa á milli hliða eða bíða of lengi eftir brottför. Góðir tengitímar þýða að ferðalagið þitt gengur vel fyrir sig.

 

Fer flugið mitt af stað á réttum tíma?

Það skiptir okkur máli að vera stundvís. Við vitum að tíminn er verðmætur og leggjum metnað okkar í að halda tímaáætlun. Alltaf.

 

Er frjálst sætaval við bókun?

Auðvitað. Þegar þú bókar far með Icelandair býðst þér að velja án nokkurs aukagjalds þitt eigið sæti, við glugga, við gang, aftarlega í vélinni eða í fremstu röðunum á almennu farrými. Bókaðu tímanlega. Þá eru meiri líkur á að óskasætið þitt sé laust.

Kemst ég á netið?

Vélar okkar bjóða upp á þráðlausa nettengingu þannig að þú getur verið vel tengdur á ferð og flugi og sinnt vinnu, heyrt í vinum og ættingjum eða lesið fréttirnar á leiðinni. Aðgangur að þráðlausa netinu er farþegum á Saga Class að kostnaðarlausu.

 

Get ég stungið símanum mínum í rafmagn?

Ef þú ert með síma sem hægt er að hlaða í gegnum USB tengi ertu í góðum málum. Þú getur tengt USB snúru við afþreyingarkerfið okkar og tryggt að síminn sé fullhlaðinn þegar þú mætir á áfangastað.

Economy class

Á Economy Standard

eru yfirleitt sex sæti í hverri röð og gott bil fyrir fætur, eða 79-81cm. Í öllum sætum er sér skjár og tengi fyrir heyrnartól.

Á Economy Comfort

eru yfirleitt sex sæti í hverri röð, en miðjusætið er yfirleitt frátekið. Í öllum sætum er sér skjár, tengi fyrir heyrnartól og tengill í rafmagn. Economy Comfort farþegar geta valið sér hvað sem er af Economy Class matseðli, sér að kostnaðarlausu.

Á Saga Class

eru yfirleitt fjögur sæti í hverri röð. Sætabilið er 101 cm og öll Saga Class sæti eru fremst í vélinni. Farþegar á Saga Class fá sæng og kodda, geta sett rafmagnstæki í samband og fá hljóðeinangrandi heyrnartól.
Í öllum sætum er stór og góður skjár og aðgangur að úrvalsafþreyingu. Matur og drykkur er Saga Class farþegum að kostnaðarlausu.