09.09.2008 22:45

Ný þjónusta er nú í boði fyrir viðskiptavini Icelandair þar sem þeir geta skoðað komur og brottfarir sem og flugáætlun Icelandair. Hægt er einnig að innrita sig í flug og sjá upplýsingar um tengiliði í viðkomandi landi.

Þetta eykur enn frekar á þjónustuna við farþega Icelandair þar sem hægt er að finna allar þessar upplýsingar í gegnum farsímann.

Viðskiptavinir Icelandair geta nú nýtt sér þessa þjónustu og innritað sig með farsímanum sínum svo lengi sem þeir geta tengst Internetinu. Með farsímainnrituninni er hægt að innrita sig óháð stað og stund (22 klst. fyrir brottför). Brottfararspjaldið er síðan prentað út á sjálfsafgreiðslustöðvum á flugvelli. Þeir farþegar sem ferðast með farangur þurfa að skrá hann inn í sjálfsafgreiðslustöð á flugvelli og fá töskumiða fyrir hverja tösku. Þegar farþegi hefur innritað sig sjálfur í flug tekur starfsmaður Icelandair við farangri hans á sérstakri innritunarleið. Þeir sem engan farangur hafa halda beint út á brottfararsvæðið.<>Slóðin á farsímavefinn er: http://m.icelandair.is