Routemap English globe

Leiðakerfi Icelandair

Icelandair byggir viðskiptastefnu sína á hagkvæmri staðsetningu Íslands mitt á milli Norður-Evrópu og austurstandar Norður-Ameríku.  Icelandair hefur stækkað og styrkt leiðakerfi sitt á undirförnum áratugum með því að sameina um borð í flugvélum sínum farþega til Íslands, farþega frá Íslandi og farþega sem fljúga yfir Atlantshafið í gegnum Ísland. Félagið tengir 24 borgir í Evrópu við 12 borgir í Norður-Ameríku með Ísland sem miðpunkt. Leiðakerfið byggist á sólarhringsskiptingu með tengiflug á Íslandi á morgnana og eftir hádegi.


Um Icelandair

Icelandair er leiðandi flugfélag sem býður ferðir til og frá Íslandi og er hagstæður kostur fyrir flug yfir Atlantshafið. Félagið einbeitir sér að veita viðskiptavinum sínum öruggar og traustar flugferðir sem og einstaka þjónustu. Icelandair flýgur til margra stórborga í Evrópu, Bandaríkjunum og Kanada.

Félagið notar staðsetningu Íslands sem er mitt á milli Ameríku og Evrópu sem viðskiptatækifæri og hefur byggt upp alþjóðalegt leiðakerfi með Ísland sem miðpunkt.

Icelandair er hluti af Icelandair Group.

 

Yfirstjórn Icelandair

Birkir Hólm Guðnason, framkvæmdastjóri (birkir@icelandair.is)
Birkir hóf störf hjá Icelandair árið 2000 sem sölustjóri á Íslandi. Síðar starfaði Birkir einnig sem sölustjóri í Norður-Ameríku og síðan svæðisstjóri í Mið-Evrópu, með aðsetur í Frankfurt.  Frá árinu 2006 starfaði hann sem  svæðisstjóri á Norðurlöndum.
Birkir var ráðinn framkvæmdastjóri Icelandair árið 2008. Birkir lauk BS og meistaranámi í viðskiptafræðum frá Álaborgarháskóla.

Andri Áss Grétarsson, framkvæmdastjóri framleiðslusviðs (andri@icelandair.is)
Andri hóf störf  hjá Icelandair árið 1998, fyrst í fjármála- og rekstrarstýringardeild og síðar á fjármálasviði Icelandair Group. Hann var ráðinn framkvæmdastjóri fjármálasviðs Icelandair árið 2006 og í  nóvember 2008 sem framkvæmdastjóri framleiðslusviðs.
Andri er með Cand.Oecon gráðu frá Háskóla Íslands með áherslu á reikningshald.

Helgi Már Björgvinsson, framkvæmdastjóri sölu- og markaðssviðs (hmb@icelandair.is)
Helgi Már hóf störf hjá Icelandair árið 1999 sem forstöðumaður Icelandair Holidays USA og síðar sem sölustjóri fyrir Bandaríkin og Kanada.  Árið 2002 fór hann til Lundúna og tók við stöðu sölu- og markaðsstjóra fyrir Bretland og Írland og árið 2004 til Parísar sem svæðisstjóri fyrir Suður-Evrópu. Helgi tók við stöðu  svæðisstjóra fyrir Bretland og Írland í maí 2007. Helgi Már var ráðinn framkvæmdastjóri sölu- og markaðssviðs Icelandair í maí 2008.
Helgi er með BS í markaðs- og stjórnunarfræði frá University of South Carolina í Columbia og meistarapróf í viðskiptafræði frá ESCP-EAP European School of Management í París.
Vinsamlegast smellið hér fyrir almennar styrktar umsóknir.

Hlynur Elísson, framkvæmdastjóri rekstrar- og fjármálasviðs (hlynur@icelandair.is)
Hlynur hóf störf  sem fjármálastjóri innanlandsflugs Flugleiða árið 1995, sem varð Flugfélag Íslands árið 1997.  Hann ráðinn framkvæmdastjóri fjármála og rekstrarstýringar Icelandair árið 2005 og árið 2006 hóf hann störf sem framkvæmdastjóri fjármála Icelandair Group. Í nóvember 2008 var Hlynur ráðinn framkvæmdastjóri fjármála- og rekstrarstýringasviðs Icelandair.
Hlynur lauk BSc. próf í viðskiptafræði við Rockford College í Illinois.

Svali Hrannar Björgvinsson, framkvæmdastjóri starfsmannasviðs (svali@icelandair.is)
Svali hóf störf sem framkvæmdastjóri starfsmannasviðs Icelandair í mars 2009. Hann var  framkvæmdastjóri starfsmannasviðs Kaupþings banka frá árinu 2005 til 2008 og þar áður  fostöðurmaður  starfsþróunarsviðs IBM Consulting Services og einn af eigendum PWC.  Svali hefur kennt við Háskóla Íslands, Kennaraháskóla Íslands og Menntaskólann á Laugarvatni.
Svali er með BA gráðu í sálfræði við Háskóla Íslands og MA gráðu í starfsmannastjórnun og vinnusálfræði frá New York University.

Fannst þér efnið á síðunni hjálplegt?Nei