Styrktarbeiðnir

Icelandair er stolt af því að styrkja Knattspyrnusamband Íslands, Handknattleikssamband Íslands og íslensku Ólympíunefndina. En Icelandair er þó  stoltast af því að styðja og styrkja alþjóðlegt íþróttalíf með sinni starfsemi. Hér að neðan er sýnishorfn af því fjölbreytta íþróttalífi sem Icelandair hefur stutt í gegnum tíðina með einum eða öðrum hætti.

ÍSÍ

ÍSÍ

Íþrótta- og Ólympíusamband Íslands (ÍSÍ) eru einu heildarsamtök íþróttahreyfingarinnar á Íslandi og æðsti aðili frjálsrar íþróttastarfsemi í landinu samkvæmt Íþróttalögum.  ÍSÍ skipuleggur og sér um þátttöku Íslands á Ólympíuleikum, Smáþjóðaleikum og öðrum mótum sem haldin eru undir vernd Alþjóða Ólympíunefndarinnar (IOC).  Icelandair hefur lengi verið stuðningsaðili ÍSÍ og er eitt fjögurra fyrirtækja í Ólympíufjölskyldu ÍSÍ.

HSÍ

HSÍ

Handknattleikssamband Íslands hefur sent liðsmenn á sínum vegum víða um heim í ferðaklæðnaði þar sem íslenski fáninn og merki Icelandair eru framan á brjóstinu. Handbolti er mjög vinsæl íþrótt á Íslandi og íslenskir handknattleiksmenn hafa náð frábærum árangri á Íslandi og erlendis. Íslenska karlalandsliðið vann til silfurverðlauna á Ólymp­íuleikunum í Peking árið 2008 og til bronsverðlauna á Evrópumeistara­mótinu í Austurríki árið 2010.

KSÍ

KSÍ

Við hjá Icelandair erum stolt af að styðja og styrkja mörg íslensk íþróttalið á ferðum þeirra erlendis þar sem þau eru fulltrúar Íslendinga. Knattspyrnusamband Íslands (KSÍ) var stofnað árið 1947 og Icelandair hefur verið traustur stuðningsaðili sambandsins í langan tíma. Landslið Íslendinga, A-lið karla og kvenna og landslið karla og kvenna 21 árs og yngri, 19 ára og yngri og 17 ára og yngri, fljúga með Icelandair og merki Icelandair er á ferðafatnaði þeirra.

GSÍ

GSÍ

Golfíþróttin er gríðarlega vinsæl á Íslandi og er Golfsamband Íslands næst stærsta sérsamband landsins. Icelandair hefur stutt við starfsemi sambandsins undanfarin ár með öflugum hætti og hafa íslenskir afrekskylfingar flogið með Icelandair og jafnframt borið merki Icelandair á sínum keppnisfatnaði. Icelandair hefur lagt áherslu á að þjónusta kylfinga í samræmi við þeirra þarfir og er farsælt samstarf við Golfsamband Íslands gott dæmi um það.

ÍF

ÍF

Íþróttasamband fatlaðra (skammstafað ÍF) er æðsti aðili um íþróttir fatlaðra innan vébanda Íþrótta- og Ólympíusambands Íslands (ÍSÍ). ÍF skipuleggur og sér um þátttöku Íslands á Ólympíumótum fatlaðra, Alþjóðaleikum Special Olympics og öðrum stórmótum fatlaðra. Icelandair hefur síðustu 25 árin verið stuðningsaðili ÍF og er einn af fimm stærstu styrktar- og samstarfsaðilum ÍF.

Stuðningur Icelandair við tónlist felst í því að því að flytja íslenska listamenn á erlenda grund og jafnframt að gera erlendum tónlistarunnendum kleift að koma til Íslands og upplifa hér tónleika og tónlistarhátíðir. Í því augnamiði styrkir Icelandair Músiktilraunir, Iceland Airwaves og Reykjavík Loftbrú.

Músíktilraunir

Músíktilraunir

Við hjá Icelandair erum stolt af að veita ungu og hæfileikaríku tón­listarfólki stuðning gegnum Músíktilraunir. Músíktilraunir er tónlistarviðburður þar sem unga fólkið kemur fram í fyrsta skipti opinberlega og fær tækifæri til að standa í sviðsljósinu og leika tónlist.

Icelandair verðlaunar þá sem vinna á Músík­tilraunum með því gefa þeim færi á að leika á hinni árlegu tónlistarhátíð Iceland Airwaves.

Iceland Airwaves

Iceland Airwaves

Icelandair stofnaði til tónlistarhátíðarinnar Iceland Airwaves og er aðalstyrkt­araðili hátíðarinnar, tónlistarviðburðar sem efnt var til fyrsta skipti árið 1999 og hafði þá að megintilgangi að kynna íslenskt tónlistarfólk fyrir fulltrúum erlendra hljómplötuútgefenda. Síðan þá hefur tónlistarhátíðin Iceland Airwaves vaxið að umfangi, blómstr­að og dafnað og er nú gildur þáttur í menningarlífi Reykjavíkur þar sem meira 150 tónlistarmenn koma fram á ýmsum stöðum í borginni. Vinnan og fyrirhöfnin, sem farið hafa í undirbúning og framkvæmd við þessa tón­listahátíð, hafa borið góðan ávöxt og nú hafa margir íslenskir tónlist­armenn öðlast viðurkenningu á alþjóða­vettvangi.

Reykjavík Loftbrú

Reykjavík Loftbrú

Icelandair heldur áfram að styðja framsækið íslenskt tónlistarfólk sem vill hasla sér völl erlendis með samstarfi við Reykjavíkurborg og íslenskt tónlistarfólk í verkefninu Reykjavík Loftbrú.
Umsókn þarf að berast fyrir síðasta dags hvers mánaðar og má brottför ekki vera innan 4 vikna frá þeirri dagsetningu. Ekki er veitt úr sjóði Loftbrúar í júlímánuði.

Hægt er að sækja um á rafrænu Reykjavík með því að smella hér


Hér geta styrkþegar fyllt út eyðublað til að sækja um yfirvigt hjá Icelandair

Vildarbörn

Hjá Icelandair er ekki litið á góðgerðarmál sem “enn eitt verkefnið” á vegum fyrirtækisins. Líklega væri það bæði auðveldara og fljótlegra ef góðgerðarmál fyrirtækisins væru bara bein framlög af reikningi fyrirtækisins. En góðgerðarmál eru hjartans mál hverjum starfsmanni Icelandair og með virkri þátttöku alls starfsfólks fyrirtækisins í þessari vinnu, skilar hún á endanum meiru til þeirra sem þiggja styrki og þeirra sem leggja sitt af mörkum. 

Í hverju einasta flugi gefur áhöfnin sér tíma frá hefðbundnu annasömu starfi, til þess að kynna Vildarbarna-verkefnið sérstaklega og safna smámynt frá gjafmildum farþegum. Hér gildir hið fornkveðna að margt smátt gerir eitt stórt. Inneign sjóðsins vex reglubundið vegna þessara vinnu. Starfsfólk Icelandair er stolt af þeirri vinnu sem felst í starfsemi Vildarbarna. Sumir starfsmenn hafa jafnvel sagt að þeir hafi ekki valið málefnið heldur hafi málefnið valið þau. 
 
Tvisvar á ári velur stjórn Vildarbarna úr hópi umsækjanda. Oft þarf að gera sérstakar ráðstafanir vegna ferðalaga langveikra barna og þá kemur sér vel að áhafnir Icelandair er jákvætt fólk sem kappkostar að flugið verði sem þægilegast. Frá stofnun sjóðsins, árið 2003, hafa meira en eitt þúsund manns, fjölskyldur langveikra barna, geta nýtt sér boð sjóðsins og ferðast til sinna draumaáfangastaða. Fjölskyldur frá Íslandi hafa oftar en ekki farið í langþráð frí til Florida og þess eru dæmi að fjölskyldur frá Boston hafi komið í ævintýraferðalag til Íslands. Þær minningar sem fjölskyldurnar skapa saman á slíkum ferðum verða einfaldlega ekki metnar til fjár.

Icelandair styrkir Vildarbörn. Hér getur þú kynnt þér ferðasjóð Vildarbarna.

Icelandair hefur skýra stefnu í styrktarmálum. Vinsamlegast kynnið ykkur styrktarmöguleikana vel. Þannig fáið þið allar þær upplýsingar um þær lágmarkskröfur sem Icelandair gerir til styrkþega og hvað hægt er að gera til þess að auka líkurnar á á vali.
Ef þín hugmynd fellur ekki innan þessa ramma þá eru ekki miklar líkur á því að Icelandair geti styrkt þitt verkefni. En við tökum öllum hugmyndum um styrktarverkefni með opnum huga. Stjórn sjóðsins hittist á 4-5 vikna fresti og fer yfir þær umsóknir sem hafa borist frá síðasta fundi. Umsækjendur eru hvattir til þess að sækja um með góðum fyrirvara. Hjá jafn stóru félagi og Icelandair er langtímaskipulagning óhjákvæmileg og hluti af faglegum vinnubrögðum. Umsóknum sem berast með skömmum fyrirvara, sem dæmi: nokkurra daga eða vikna, er því nánast ómögulegt að verða við. Við biðjum umsækjendur að sýna því sklining og skila umsóknum inn tímanlega.

Munið að setja skýrt fram grunnatriði umsóknarinnar: Hvað, hvenær og hvar. Hver er hópurinn sem á að ná til? Hversu margir munu sjá skilaboðin? Hvers æskirðu af Icelandair? Eru aðrir styrktaraðilar í myndinni? Hvers vegna velur þú að leita til Icelandair? Hvers vegna ætti Icelandair að styrkja málefnið? (Gott að hafa í huga það sem þegar hefur komið fram um stefnu félagsins í styrktarmálum). Hver er tengiliður vegna umsóknarinnar?

Þegar Icelandair leggur málefnum lið ætlumst við til þess að það komi ávallt skýrt fram þegar málefnið er kynnt opinberlega  auk þess upplýsingar um félagið og/eða einstaka þjónustu þess fylgi með.
Icelandair getur ekki styrkt málefni eða viðburði sem tengjast áfengi, tóbaki, pólitík eða trúmálum.

Við reynum að svara öllum beiðnum innan 5 vikna, ef svar hefur ekki borist við beiðni innan þess tíma verður að líta á það sem synjun. Athugið ekki er hægt að svara beiðnum utan þessara tímamarka.

Icelandair hefur skýra stefnu í styrktarmálum. Vinsamlegast kynnið ykkur styrktarmöguleikana vel. Þannig fáið þið allar þær upplýsingar um þær lágmarkskröfur sem Icelandair gerir til styrkþega og hvað hægt er að gera til þess að auka líkurnar á á vali. Hægt er að kynna sér styrktarstefnu Icelandair á flipunum hér til hlíðar. 

Ef þín hugmynd fellur ekki innan þessa ramma þá eru ekki miklar líkur á því að Icelandair geti styrkt þitt verkefni.

Stjórn sjóðsins hittist á 4-5 vikna fresti og fer yfir þær umsóknir sem hafa borist frá síðasta fundi. Umsækjendur eru hvattir til þess að sækja um með góðum fyrirvara. Hjá jafn stóru félagi og Icelandair er langtímaskipulagning óhjákvæmileg og hluti af faglegum vinnubrögðum. Umsóknum sem berast með skömmum fyrirvara, sem dæmi: nokkurra daga eða vikna, er því nánast ómögulegt að verða við. Við biðjum umsækjendur að sýna því sklining og skila umsóknum inn tímanlega.

Við reynum að svara öllum beiðnum innan 5 vikna, ef svar hefur ekki borist við beiðni innan þess tíma verður að líta á það sem synjun.  Athugið ekki er hægt að svara beiðnum utan þessara tímamarka.  Icelandair ber ekki ábyrgð á fargjaldabreytingum sem kunna að verða á þeim tíma sem umsækjandi biður eftir svari frá styrktarnefndinni"

Icelandair getur ekki styrkt málefni eða viðburði sem tengjast áfengi, tóbaki, pólitík eða trúmálum.

Þú ert hér: