Sjálfsafgreiðslustöðvar

Icelandair hefur tekið í notkun sjálfsafgreiðslustöðvar fyrir innritun í brottfararsalnum á  Keflavíkurflugvelli. Farþegar geta nú valið um að innrita sig sjálfir á innan við einni mínútu og valið sitt eigið sæti eða fengið hefðbundna þjónustu við innritun.

Þetta eru svokallaðar "single airline" afgreiðslustöðvar, sem þýðir að eingöngu viðskiptavinir Icelandair munu geta innritað sig í flug með þessum hætti. Icelandair er því eina flugfélagið sem býður upp á þessa þjónustu á Keflavíkurflugvelli.

Þegar farþegi hefur innritað sig sjálfur í flug, tekur starfsmaður viðkomandi flugfélags við farangri hans á sérstakri hraðleið ("Fast Bag Drop-off"). Þeir sem engan farangur hafa geta haldið beint upp á brottfararsvæðið á 2. hæð flugstöðvarinnar.