Reglur um komu til Bandaríkjanna

Reglur við komu til Bandaríkjanna

Vegabréf og önnur ferðaskilríki

ALLIR farþegar sem ferðast til Bandaríkjanna verða að hafa með sér gilt vegabréf, eða annað gilt skírteini sem bandarísk yfirvöld viðurkenna sem ferðaskilríki. 

Það er á ábyrgð farþegans að afla sér upplýsinga um og tryggja sér þau ferðaskilríki og áritanir sem hann/hún þarf að hafa meðferðis fyrir það land sem ferðast er til. Upplýsingar um áritanir til Bandaríkjanna fást í sendiráðum þeirra. Það getur tekið nokkurn tíma að fá umsóknir um áritanir afgreiddar (stundum í vikum talið).

Skílríkiskröfur fyrir Bandaríkin eru ólíkar eftir því hvort viðkomandi sé bandarískur ríkisborgari, hafi búsetuleyfi í Bandaríkjunum (lawful permanent resident) eða sé ferðamaður með annað ríkisfang.  Einnig kunna að gilda ólíkar kröfur um skírteini og ferðaheimildir á milli tiltekinna svæða og ríkja sem Bandaríkin hafa gert milliríkjasamninga við. Þá gilda einnig mismunandi kröfur um vegabréfsáritanir. Frekari upplýsingar má finna á vefsíðu sendiráðs Bandaríkjanna, bandaríska utanríkisráðuneytinu eða hjá landamæraeftirlitsstofnun Bandaríkjanna (Customs and Border Protection)

Icelandair mælist til þess að farþegar hafi ávallt með sér vegabréf þegar ferðast er á milli landa.

Til að tryggja öryggi ferðamanna og bandarískra ríkisborgara, þá safna bandarísk yfirvöld saman ákveðnum upplýsingum af ferðamönnum, þ.m.t. skönnuð fingraför og stafræna mynd, við komuna til Bandaríkjanna. Þessum upplýsingum er haldið örugglega til haga og einungis dreift til þeirra stofnana sem þurfa á þeim að halda. Þetta er í samræmi við US-Visit Program sem er hægt að skoða hér; US-Visit program 

Bandarísk lög krefjast þess að farþegar fari frá borði á þeirri flughöfn þar sem fyrsta viðkoma er, til þess að gangast undir toll- og landamæraeftirlit. Ef ferðaáætlun farþega gerir ráð fyrir viðkomu á tengivelli staðsettum innan Bandaríkjanna, þá verður viðkomandi að fara frá borði, fara í gegnum vegabréfaeftirlit, sækja lestarfarangur og halda áframleiðis til innritunar á seinna flugið. Farþegar verða að fara í gegnum aðra öryggisleit en ekki þarf að fara í gegnum tolleftirlit aftur ef endastöð er innan Bandaríkjanna.

Undanþágur frá vegabréfsáritun (Visa Waiver Program - VWP)

Undanþágur frá vegabréfsáritun (Visa Waiver Program (VWP)) gera ríkisborgurum tiltekinna landa kleift að ferðast til Bandaríkjanna sem ferðamenn eða í viðskiptaerindum og dvelja að hámarki í 90 daga án þess að þurfa vegabréfsáritun. Ekki eru öll lönd aðilar að þessu samkomulagi og nokkrar takmarkanir eru á því eins og skýrt er frá hér að neðan.Farþegar sem ferðast til Bandaríkjanna á forsendum VWP verða að hafa farmiða báðar leiðir, þ.e. einnig fyrir tilgreinda heimkomu eða áframhaldandi flug utan, þ.e. áætlaða brottför frá Bandaríkjunum.

Farþegar sem ferðast til Bandaríkjanna á forsendum VWP verða að skila inn útfylltu I-94W formi við landamæraeftirlitið (þau form fást við innritun og um borð).

ALLIR farþegar sem ferðast til Bandaríkjanna verða skv. undanþágum frá vegabréfsáritun (Visa Waiver Program - VWP), að hafa meðferðis annað hvort svokölluð e-Passport sem hafa að geyma örflögu eða vegabréf með tölvulesanlegri rönd (Machine Readable Passport - MRP) - ÁN UNDANTEKNINGA. Þetta gildir hvort sem er í farþegaflugi eða fragtflugi, hvort sem farþegar greiða ferðina að fullu eða ferðast frítt, o.s.frv. Í samræmi við það verður hver farþegi að hafa sitt eigið e-Passport eða tölvulesanlega vegabréf. Börn geta EKKI ferðast á vegabréfi foreldra sinna þegar ferðast er á undanþágu frá vegabréfsáritun. Ástæða þess er sú að tölvuröndin neðst á myndasíðunni geymir einungis upplýsingar um foreldrið, en vegabréfið var gefið út fyrir það. Börn VERÐA að hafa sín eigin vegabréf þegar ferðast er skv. undanþágum frá vegabréfsáritun (Visa Waiver Program), 217. gr., 8. bálkur INA (Immigration and Nationality Act); 217. gr. C.F.R. (Code of Federal Regulations), og áfram.

Vegabréf gefin út eftir 26. júní 2006 verða að hafa tölvulesanlega örflögu (integrated chip) sem hefur að geyma sömu upplýsingar og eru í tölvulesanlegu röndinni. Örflagan kann einnig að geyma upplýsingar eins og stafræna mynd, fingraför og rithandarsýnishorn viðkomandi (e-Passport). Farþegar frá Tékklandi, Eistlandi, Ungverjalandi, Lettlandi, Litháen, Suður-Kóreu og Slóvakíu verða að hafa meðferðis vegabréf með tölvulesanlegri örflögu (integrated chip) ef þeir ætla að ferðast á undanþágu frá vegabréfsáritun (VWP). Farþegar geta ætíð haft samband við yfirvöld ábyrg fyrir vegabréfaútgáfu til að fá nánari skýringar um vegabréfin.

Þeir farþegar sem ferðast til Bandaríkjanna á undanþágu frá vegabréfsáritun án þess að hafa meðferðis tölvulesanlegt vegabréf þurfa að greiða sekt að upphæð $3.300,00, skv. 273. gr., staflið b í INA (bandarísku innflytjendalöggjöfinni (Immigration and Nationality Act)). Neyðarvegabréf verða að verða rafræn (e-Passport) skv. kröfum bandarískra yfirvalda.

ESTA-heimild fyrir farþega frá VWP löndum

ALLIR farþegar sem ferðast til Bandaríkjanna skv. undanþágum frá vegabréfsáritun (VWP) ferða að hafa svokallað ESTA ferðaheimild. ESTA stendur fyrir Electronic System for Travel Authorization og á einvörðungu við VWP farþega. Sjá upplýisngar um ESTA á vef Icelandair hér; ESTA

Allir ferðamenn á undanþágu frá vegabréfsáritun, frá ÖLLUM 35 löndunum sem aðild eiga að umræddu samkomulagi (Visa Waiver Program), verða einnig að framvísa tölvulesanlegu vegabréfi eða hafa áritað vegabréf.

ATHUGIÐ: Frá og með 20. mars 2010 geta farþegar frá VWP löndum átt von á því að þeim verði hafnað fari, ef þeir hafa hvorki ESTA heimild né vegabréfsáritun, skv. tilskipun bandarískra yfirvalda. Brot á þeirri tilskipun varðar sektir og önnur viðurlög.

Icelandair hvetur alla viðkomandi að afla sér ESTA-heimildar með nægum fyrirvara í gegnum þartilgerða vefsíðu bandarískra yfirvalda; sjá slóð:  Skrá ESTA upplýsingar hér