Hafðu samband

Smelltu hér fyrir upplýsingar um farangur.

Farseðlar eru ekki endurgreiddir nema skilmálum forfallatryggingar sé fullnægt.

Sjá skilmála forfallatryggingar hér. Hægt er að kaupa forfallagjald þegar flug er bókað á vef Icelandair. Forfallagjaldið er:  1.500 kr. fyrir fullorðna  750 kr. fyrir börn 200 kr. fyrir ungabörn Óskir þú eftir að kaupa forfallagjald þá þarft þú að haka við þar sem upplýsingar um forfallagjald og aðrar athugasemdir koma fram (í skrefi 6 í bókunarferlinu). Þetta svæði birtist þar sem greiðslukortaupplýsingar eru slegnar inn.

Þegar bókaðir eru pakkar í gegnum pakkabókunarkerfi Icelandair þarf að fjarlæga hak úr kassa þar sem forfallagjald kemur fram. Þetta svæði birtist þar sem ferðaupplýsingarnar koma fram.

Greiðsla forfallagjalds tryggir endurgreiðslu á þeim hluta fargjalds og gistikostnaðar sem greiddur hefur verið og ekki fæst annars endurgreiddur, ef farþegi getur ekki farið í fyrirhugaða ferð vegna: dauðsfalls, skyndilegs alvarlegs sjúkdóms eða slyss sem krefst sjúkrahússvistar hans, maka hans, hvort sem um er að ræða maka samkvæmt hjónabandi eða staðfestri samvist, sambýlismaka, barns farþega eða barnabarns, foreldra hans eða tengdaforeldra, afa hans, ömmu eða systkina (framvísa þarf vottorði), verulegs eignatjóns á heimili hans eða í einkafyrirtæki sem gerir nærveru hans nauðsynlega (lögregluskýrsla liggi fyrir).Framangreind atvik skulu vera þess eðlis að óhjákvæmilegt sé að afturkalla áður gerða pöntun.

Sé ferð afturkölluð af ástæðum sem taldar eru upp hér að ofan er forfallagjald, þjónustugjald, lántökukostnaður og endurgreiðslugjald óafturkræft.Kynnið ykkur vel allar tryggingar og skilmála þeirra hjá söluaðilum.Kynnið ykkur nánar skilmála forfallagjaldsins hér.


Læknisvottorð vegna forfallagjalds

Hér er hægt að sækja læknisvottorð vegna forfallagjalds (veikinda).

Farseðill: fæst ekki endurgreiddur eftir að ferð er hafin.

Ónotaður farseðill:  Ónotaðir farseðlar fást endurgreiddir skv. skilmálum hvers fargjalds, haldið er eftir bókunargjaldi og endurgreiðslugjaldi "

Þótt að ferðin sé greidd með VISA Láni gilda ferðatryggingarnar á sama hátt og hafi ferðin verið greidd á hefðbundinn hátt t.d. fyrir maka og börn. Einnig eru farþegar í bókun tryggðir samkvæmt tryggingaskilmálum síns VISA korts hafi a.m.k. helmingur ferðakostnaðar verið greiddur með einhverju VISA kreditkorti.

Vinsamlegast kynnið ykkur nánar tryggingaskilmála VISA hér.

E-miði er rafrænn farseðill sem vistaður er í tölvukerfi Icelandair og er því ekki hægt að týna honum, stela eða gleyma. Smelltu hér fyrir nánari upplýsingar um E-miða.

Eftir að búið er að ganga frá bókun á vefnum er E-miðinn sendur í tölvupósti á það tölvupóstfang sem gefið var upp í bókunarferlinu.

Íslenskir ríkisborgarar sem ferðast til Bandaríkjanna án vegabréfsáritunar verða að framvísa tölvulesanlegu vegabréfi eftir 26. október 2004. Öll íslensk vegabréf sem gefin eru út eftir 1. júní 1999 eru tölvulesanleg.

APIS (Advanced Passenger Information System) eru upplýsingar sem bandarísk stjörnvöld krefjast af öllum sem heimsækja Bandaríkin. Flutningsaðilum, þar á meðal Icelandair, er skylt að senda þessar upplýsingar til bandarískra stjórnvalda fyrir brottför.

Þetta þýðir að farþegar Icelandair sem eru á leið til Bandaríkjanna þurfa að fylla út þessar upplýsingar áður en haldið er af stað. Þetta er sérstaklega mikilvægt til að forðast óþægindi og seinkanir í Keflavík.

Þær upplýsingar sem gefa þarf upp eru:

• Kyn
• Þjóðerni
• Búsetuland
• Númer á vegabréfi (gildistími og land þar sem vegabréf var gefið út)
• Dvalarstaður í Bandaríkjunum

Smelltu hér til að sækja bókun þína og bæta þessum upplýsingum við.

Ef greitt hefur verið með kreditkorti eru upplýsingar um það aðgengilegar bandarískum yfirvöldum.

Upplýsingarnar eru notaðar til löggæslu, meðal annars til þess að bera kennsl á hugsanlega hryðjuverkamenn og verjast öðrum ógnum við öryggi bandaríska ríkisins og þegna landsins; til þess að auðvelda yfirvöldum að skipuleggja vinnu sína og þar með auka þægindi venjulegra ferðamanna.

Við höfum þær upplýsingar um þig sem þú gefur upp við bókun og kaup á ferð þinni til Bandaríkjanna. Þar á meðal atriði sem þú vilt hugsanlega koma á framfæri um heilsufar þitt og/eða fötlun; upplýsingar um greiðslu; upplýsingar um hvar er hægt að hafa samband við þig; og/eða sérþarfir sem þú hefur. Upplýsingarnar eru veittar bandarísku stofnuninni sem annast tolla og innflytjendamál (U.S. Customs and Border Protection). Hún getur deilt þeim með öðrum öryggisstofnunum til þess að koma í veg fyrir hryðjuverk og annað glæpsamlegt athæfi

Ef þessar upplýsingar liggja ekki fyrir þá getum við ekki flutt þig til Bandaríkjanna.

Bandarísk lög skylda flugfélög sem fljúga til og frá Bandaríkjunum að veita bandarískum yfirvöldum aðgang að farþegaupplýsingum í bókunarkerfum þeirra. Markmið laganna er að auka flugöryggi. Samkvæmt þessum lögum eru upplýsingar sem við höfum um þig og ferðatilhögun þína aðgengileg bandarísku tolla- og innflytjendayfirvöldunum (U.S. Customs and Border Protection) frá og með 28. júlí 2004.

Móttaka á lifandi dýrum til flutnings er aðeins leyfileg ef örugglega er um þau búið. Heilsu- og bólusetningarvottorði verður að framvísa og einnig þarf innflutningsleyfi og önnur skjöl sem yfirvöld í því landi sem tekur við dýrinu krefjast. Það sama á við þegar dýr er sent úr landi eða millilendir í tilteknu landi.

Icelandair tekur enga ábyrgð á dýri sem meinaður er aðgangur að tilteknu landi eða millilendir á leið til áfangastaðar. Eigandi dýrsins tekur alla ábyrgð á meiðslum, veikindum eða dauða dýrs sem samþykkt er til flutnings.

Sérstakt leyfi til flutnings dýrs þarf að fylgja með því, nema þegar dýr er flutt milli landa innan Skandinavíu.

Gæludýr í farþegarými
Engin dýr eru leyfð í farþegarými flugvélar.

Undantekning
Sérþjálfaðir hundar til að aðstoða blinda, heyrnardaufa eða fólk með aðra fötlun. Engin sérstök gjöld, þyngdartakmarkanir eða þörf á búrum eiga við um ofangreinda hunda.

Flutningur á dýrum

• Takmarkanir: Hámarksfjöldi búra er fjögur búr í hverju flugi. Leyft er að setja tvö dýr í hvert búr ef dýrin eru lítil og af sömu tegund.
• Búr: Búrin verða að vera byggð þannig að engin hætta sé á að dýrin meiðist eða sleppi úr þeim. Hægt er að kaupa traust búr í gæludýrabúðum. Þau verða að vera sterkbyggð, vatnsheld, hrein og sótthreinsuð og með drykkjar- og matarílátum.

Sérþjálfaðir hundar til að aðstoða blinda, heyrnardaufa eða fólk með aðra fötlun eru leyfðir í farþegarými. Engin sérstök gjöld, þyngdartakmarkanir eða þörf á búrum eiga við um ofangreinda hunda.

Blindur farþegi með blindrahund má hafa hundinn hjá sér í farþegarými ef hundinum er komið almennilega fyrir og er með múl. Hundinum er ekki leyfilegt að vera í sæti og má ekki vera fyrir gangveginum. Hafa verður leyfi fyrir hundinum á áfangastað í því landi sem ferðast er til. Icelandair tekur ekki ábyrgð á því ef blindrahundi er meinaður aðgangur í landinu sem ferðast er til.

Skemmtiefni er öllum farþegum að kostnaðarlausu. Heyrnartól eru lánuð án endurgjalds á Saga Class og Economy Comfort. Heyrnartól eru seld á Economy Class.
Börn fá heyrnartól sér að kostnaðarlausu.

Smelltu hér til að skoða dagskrána fyrir hvern mánuð.

Lesefni. Til og frá Íslandi er öllum farþegum boðið upp á fríblöð og Atlantica sem er að finna í sætisvasa hvers farþega. Saga Class fá að auki úrval dagblaða og tímarita.

Til að geta boðið farþegum okkar betri mat og fjölbreyttara úrval þá var ákveðið að hefja sölu á mat um borð í vélum okkar og taka kostnað við máltíðir út úr farmiðaverði. Á sama tíma byltum við aðstæðum um borð, bæði hvað varðar þægindi, rými milli sæta auk þess sem við bjóðum upp á fullkomið afþreyingarkerfi.