Öll ferðamál fyrirtækisins á einni hendi

Fyrirtæki sem gera samning við Icelandair njóta þess í hagkvæmari rekstri, betri tímanýtingu og ánægðara starfsfólki.

Við gerð samnings fá fyrirtækin tengilið, ferðaráðgjafa í Viðskiptasöludeild, sem annast öll ferðamál fyrirtækisins. Ferðaráðgjafinn nýtir reynslu sína til að finna bestu ferðaáætlun og hagstæðustu fargjöldin hverju sinni og heldur utan um allar upplýsingar sem nauðsynlegt er að gefa upp við bókun.

Þetta fyrirkomulag tryggir flýti og hagræði fyrir viðskiptavininn auk þess sem kynni þjónustufulltrúa af viðskiptavini og vitneskja um sérstakar óskir hans gera okkur kleift að veita honum enn betri þjónustu.

Nákvæmt viðskiptayfirlit á vefnum

Þeim fyrirtækjum sem gera samning við Icelandair fyrir starfsmenn á sínum vegum stendur til boða beinn aðgangur að afmörkuðu vefsvæði. Þar er alltaf hægt að nálgast upplýsingar um stöðu viðskipta ásamt yfirliti yfir flugleiðir, ferðadaga og nöfn starfsfólks sem ferðast á vegum fyrirtækisins á hverjum tíma.

Afsláttur strax frá fyrsta flugi

Þeir sem gera fyrirtækjasamning njóta strax góðs af sérstöku afsláttarfyrirkomulagi sem nær til flughluta Icelandair. Afslátturinn tekur mið af heildarfargjaldanotkun fyrirtækisins og reiknast á þriggja mánaða tímabili. Ekki er gerð krafa um lágmarksupphæð og afslátturinn reiknast strax frá fyrsta flugi eftir undirritun samningsins.

Neyðarsími

Icelandair býður fyrirtækjum með fyrirtækjasamning upp á sólarhringssímaþjónustu. Ef viðskiptavinur þarfnast aðstoðar utan almenns afgreiðslutíma á Íslandi (9:00-17:00 alla virka daga) getur hann hringt í neyðarsímann og fengið aðstoð m.a. með eftirfarandi:

  • Breytingar á farseðli
  • Breytingar á áætlun
  • Bókunarbreytingar
  • Almennar leiðréttingar

Hlunnindi sem fyrirtækjasamningur veitir:

  • Sérstakur ferðaráðgjafi hefur umsjón með hverju fyrirtæki
  • Neyðarnúmer sem er opið allan sólarhringinn
  • Afsláttur af fargjöldum til allra áfangastaða Icelandair
  • Fyrirtæki getur nálgast nákvæmt viðskiptayfirlit á vefnum

Hafðu samband

Þeir sem vilja kynna sér nánar Fyrirtækjaþjónustu Icelandair geta sent línu á fyrirtaeki@icelandair.is og óskað eftir nánari upplýsingum.

Fannst þér efnið á síðunni hjálplegt?Nei