Algengar spurningar

Smelltu hér fyrir upplýsingar um íþróttabúnað og annan farangur.

Smelltu hér fyrir upplýsingar um farangur.

Á vefsíðun Icelandair er hægt að bókað fyrir allt að níu (9) manns í einu. Ef ætlunin er að bóka 10 eða fleiri vinsamlega hafið samband við Hópabókunardeild Icelandair.

Hvað kostar að breyta farseðli?

Þegar þú  þarft að breyta farseðli er tvennt sem þarf að hafa í huga varðandi kostnað. Kostnaður við breytingu er breytingagjald + fargjaldamismunur.

Breytingagjald er misjafnt eftir því hvaða fargjald þú hefur keypt en þó aldrei hærra en 13.000 krónur. Meginreglan er sú að eftir því sem fargjaldið sjálft er ódýrara er breytingagjaldið hærra. Þetta er einfaldlega í samræmi við það að meiri sveigjanleiki er dýrari en minni sveigjanleiki. Breytingagjaldið er lágmarkskostnaður við breytingu.

Fargjaldamismunur er mismunandi og snýst um framboð á fargjöldum í því flugi sem þú vilt nýta þér. Þegar þú kaupir fargjald tekurðu eftir því að fargjaldið er sundurliðað þannig að þú sérð verðið á ferðinni til áfangastaðar og frá áfangastað. Tökum dæmi: oft er ekki sama verðið á fargjaldi til Kaupmannahafnar frá Keflavík og á fargjaldinu frá Kaupmannahöfn til Keflavíkur. Ástæðan er mismunandi framboð á fargjaldaflokkum. Í bókunarvél Icelandair getur þú séð lægstu fargjöld nokkra daga í kringum þá dagsetningu sem þú sækist eftir og þannig valið, ef þú hefur tök á, að fljúga daginn fyrir eða eftir til að spara peninga.

Þegar þú breytir miða yfir á nýja dagsetningu er sama gagnsæja kerfi: ef þú breytir heimferð frá Kaupmannahöfn er kostnaðurinn breytingagjald + mismunur á fargjaldi fyrir legginn Kaupmannahöfn-Keflavík.

Dæmi:

Þú kaupir miða til og frá Kaupmannahöfn. Þú dvelur aðfararnótt sunnudags í Kaupmannahöfn og átt því kost á lægra fargjaldi. Í bókunarferlinu sérðu að breytingagjald er 10.000 krónur fyrir þessa gerð fargjalda.

Ferðina frá Keflavík til Kaupmannahafnar kaupir þú á 14.650 krónur.

Ferðina frá Kaupmannahöfn til Keflavíkur kaupir þú á 17.550 krónur.

Þegar út er komið vilt þú vegna sérstakra aðstæðna flýta heimferðinni. Þú veist þá að breytingagjaldið er 10.000 krónur. Ódýrasta fargjald á þeirri dagsetningu sem þú velur til að komast heim er 39.950 krónur. Þú greiðir fyrir breytinguna 10.000 kr. (breytingagjaldið) + 22.400 kr.(fjargjaldamismunurinn)  (39.950 - 17.550) = 32.400 krónur.

Vegna gengismála getur kostnaður við breytingu á miða líka verið mismunandi eftir því hvar ferð hefst og hvar þú kaupir miðana.

Þótt að ferðin sé greidd með VISA Láni gilda ferðatryggingarnar á sama hátt og hafi ferðin verið greidd á hefðbundinn hátt t.d. fyrir maka og börn. Einnig eru farþegar í bókun tryggðir samkvæmt tryggingaskilmálum síns VISA korts hafi a.m.k. helmingur ferðakostnaðar verið greiddur með einhverju VISA kreditkorti.

Vinsamlegast kynnið ykkur nánar tryggingaskilmála VISA hér.

Farseðlar eru ekki endurgreiddir nema skilmálum forfallatryggingar sé fullnægt.

Sjá skilmála forfallatryggingar hér. Hægt er að kaupa forfallagjald þegar flug er bókað á vef Icelandair. Forfallagjaldið er:  1.500 kr. fyrir fullorðna  750 kr. fyrir börn 200 kr. fyrir ungabörn Óskir þú eftir að kaupa forfallagjald þá þarft þú að haka við þar sem upplýsingar um forfallagjald og aðrar athugasemdir koma fram (í skrefi 6 í bókunarferlinu). Þetta svæði birtist þar sem greiðslukortaupplýsingar eru slegnar inn.

Þegar bókaðir eru pakkar í gegnum pakkabókunarkerfi Icelandair þarf að fjarlæga hak úr kassa þar sem forfallagjald kemur fram. Þetta svæði birtist þar sem ferðaupplýsingarnar koma fram.

Greiðsla forfallagjalds tryggir endurgreiðslu á þeim hluta fargjalds og gistikostnaðar sem greiddur hefur verið og ekki fæst annars endurgreiddur, ef farþegi getur ekki farið í fyrirhugaða ferð vegna: dauðsfalls, skyndilegs alvarlegs sjúkdóms eða slyss sem krefst sjúkrahússvistar hans, maka hans, hvort sem um er að ræða maka samkvæmt hjónabandi eða staðfestri samvist, sambýlismaka, barns farþega eða barnabarns, foreldra hans eða tengdaforeldra, afa hans, ömmu eða systkina (framvísa þarf vottorði), verulegs eignatjóns á heimili hans eða í einkafyrirtæki sem gerir nærveru hans nauðsynlega (lögregluskýrsla liggi fyrir).Framangreind atvik skulu vera þess eðlis að óhjákvæmilegt sé að afturkalla áður gerða pöntun.

Sé ferð afturkölluð af ástæðum sem taldar eru upp hér að ofan er forfallagjald, þjónustugjald, lántökukostnaður og endurgreiðslugjald óafturkræft.Kynnið ykkur vel allar tryggingar og skilmála þeirra hjá söluaðilum.Kynnið ykkur nánar skilmála forfallagjaldsins hér.


Læknisvottorð vegna forfallagjalds

Hér er hægt að sækja læknisvottorð vegna forfallagjalds (veikinda).

Farseðill: fæst ekki endurgreiddur eftir að ferð er hafin.

Ónotaður farseðill:  Ónotaðir farseðlar fást endurgreiddir skv. skilmálum hvers fargjalds, haldið er eftir bókunargjaldi og endurgreiðslugjaldi "

Sérþjálfaðir hundar til að aðstoða blinda, heyrnardaufa eða fólk með aðra fötlun eru leyfðir í farþegarými. Engin sérstök gjöld, þyngdartakmarkanir eða þörf á búrum eiga við um ofangreinda hunda.

Blindur farþegi með blindrahund má hafa hundinn hjá sér í farþegarými ef hundinum er komið almennilega fyrir og er með múl. Hundinum er ekki leyfilegt að vera í sæti og má ekki vera fyrir gangveginum. Hafa verður leyfi fyrir hundinum á áfangastað í því landi sem ferðast er til. Icelandair tekur ekki ábyrgð á því ef blindrahundi er meinaður aðgangur í landinu sem ferðast er til.

Móttaka á lifandi dýrum til flutnings er aðeins leyfileg ef örugglega er um þau búið. Heilsu- og bólusetningarvottorði verður að framvísa og einnig þarf innflutningsleyfi og önnur skjöl sem yfirvöld í því landi sem tekur við dýrinu krefjast. Það sama á við þegar dýr er sent úr landi eða millilendir í tilteknu landi.

Icelandair tekur enga ábyrgð á dýri sem meinaður er aðgangur að tilteknu landi eða millilendir á leið til áfangastaðar. Eigandi dýrsins tekur alla ábyrgð á meiðslum, veikindum eða dauða dýrs sem samþykkt er til flutnings.

Sérstakt leyfi til flutnings dýrs þarf að fylgja með því, nema þegar dýr er flutt milli landa innan Skandinavíu.

Gæludýr í farþegarými
Engin dýr eru leyfð í farþegarými flugvélar.

Undantekning
Sérþjálfaðir hundar til að aðstoða blinda, heyrnardaufa eða fólk með aðra fötlun. Engin sérstök gjöld, þyngdartakmarkanir eða þörf á búrum eiga við um ofangreinda hunda.

Flutningur á dýrum

• Takmarkanir: Hámarksfjöldi búra er fjögur búr í hverju flugi. Leyft er að setja tvö dýr í hvert búr ef dýrin eru lítil og af sömu tegund.
• Búr: Búrin verða að vera byggð þannig að engin hætta sé á að dýrin meiðist eða sleppi úr þeim. Hægt er að kaupa traust búr í gæludýrabúðum. Þau verða að vera sterkbyggð, vatnsheld, hrein og sótthreinsuð og með drykkjar- og matarílátum.

Öll notkun á farsímum, talstöðvum, fjarstýrðum leikföngum og öðrum tækjum sem gefa frá sér útvarpsbylgjur er stranglega bönnuð þar sem hætta er á að útvarpsbylgjur geti truflað leiðsögutæki og tölvur sem notaðar eru við stjórn nútímaflugvéla.

Notkun á ferðatölvum, ferðageislaspilurum, upptökutækjum, myndbandsupptökuvélum og tölvuleikjum er aðeins leyfð meðan á flugi stendur en er bönnuð í flugtaki og við lendingu.

Notkun gangráða, heyrnartækja og annarra tækja sem nauðsynleg eru af heilsufarsástæðum falla að sjálfsögðu ekki undir ofangreindar takmarkanir.

Á Saga Class og Economy Comfort er rafmagnsinnstunga sem við öll sæti sem farþegar geta notað til að hlaða fartölvur.