Börn ein á ferð

Börn á aldrinum 5-11 ára (að 11. ári meðtöldu) sem EKKI eru í fylgd farþega sem er 12 ára eða eldri og getur ábyrgst barnið meðan á ferðalagi stendur teljast vera börn sem ferðast ein (UM).

Athugið að miðað er við aldur barns á þeim tíma sem það ferðast.

Að hámarki má flytja fjögur börn sem ferðast ein í hverju flugi.

Þjónustugjald fyrir barn sem ferðast eitt er ISK 3500 hvora leið. Ef tvö eða fleiri börn sem ferðast ein eru saman á ferðalagi verður innheimt þjónustugjald fyrir hvert barn. Ennfremur þarf að greiða bókunargjald 3.000 isk þegar bókað er í gegnum Fjarsölu Icelandair.

Ferðatilhögun fyrir börn sem ferðast ein

Fullorðinn aðstandandi skal koma með barni sem ferðast eitt til innritunar. Hann þarf að framvísa gildum skilríkjum með mynd og veita upplýsingar um hvernig ná megi sambandi við hann og einnig hver tengsl hans eru við barnið. Áður en barnið er afhent þeim sem tekur á móti því á ákvörðunarstað og sem nefndur er í ferðavottorði barnsins, biður þjónustufulltrúi Icelandair um gild skilríki með mynd og upplýsingar um hvernig ná megi sambandi við hann.

Ferðaskjöl barns sem ferðast eitt eru sett í sérstakt veski merkt Icelandair og ber barnið það á sýnilegan hátt.

Með því að smella hér getur þú séð skjalið sem þarf að fylla út á flugvellinum fyrir börn sem ferðast ein. Athugið að auk þess að fylla út eyðublaðið þarf að staðfesta fyrirfram ferðir barna sem ferðast ein með Icelandair.

Bókið ferð fyrir barn sem ferðast eitt hjá söluskrifstofu okkar

Hafið samband við Fjarsölu Icelandair til þess að bóka ferð fyrir barn sem ferðast eitt. Staðfesta verður ferð fyrir börn sem ferðast ein að minnsta kosti þremur dögum fyrir brottför.

ATH: Frá og með 1. febrúar 2006
Ekki er lengur leyft af öryggisástæðum að fylgja farþegum sem að á aðstoð þurfa að halda - út að brottfarahliði. Starfsmenn IGS sjá um þá fylgd þ.e.a.s. ef að óskað hefur verið eftir þeirri þjónustu.