Spennandi hönnunar- og menningarferð 25.-28.maí 2012 til Helsinki sem útnefnd hefur verið Hönnunarborg heimsins 2012 af alþjóðlegu hönnunarsamtökunum Icsid og því mikið framboð af hönnun til sýnis í tilefni þess. Fararstjóri er Steinunn Guðmundsdóttur arkitekt, sem búið hefur í Helsinki um langt skeið. Hún mun kynna helstu merkisstaði borgarinnar og fara með hópinn á vel valda staði. Hópurinn mun gista á Hótel Helka sem er stílhreint og snyrtilegt þriggja stjörnu hótel í hjarta borgarinnar. Hótelið er búið hönnunarhúsgögnum frá Artek, en þau eru hönnuð af arkitektinum Alvar Aalto.
Punktaðu niður ferðalagið. Hægt er að nýta 10.000 Vildarpunkta sem 6.000 króna inneign upp í flugferð til allra áfangastaða Icelandair.
Verð á mann í tvíbýli kr. 88.900.- Verð á mann í einbýli kr. 107.900.-
Ferðalýsing
25. maí - föstudagur Brottför frá Keflavík kl. 07.55, áætluð lending í Helsinki kl. 14.20 að staðartíma. Fararstjórinn Steinunn tekur á móti farþegum á flugvellinum í Helsinki og fylgir þeim með rútu á hótelið. Á leiðinni mun hún gefa farþegum hagnýtar upplýsingar um hvað vert er að sjá og skoða í borginni, dreifa korti þar sem búið er að merkja inn áhugaverða staði, Hönnunarmiðstöðina, Hönnunarsafnið, upplýsingar um hönnunarverslunarsvæðið, veitingahús og fleira.
26. maí - laugardagur Frjáls dagur.
27. maí - sunnudagur Farið verður m.a. og skoðað nýjan hönnunarskála sem reistur hefur verið úr timbri á milli Arkitektasafnsins og Hönnunarsafnsins. Skálinn er hannaður af arkitektanemum Aalto háskólans í Helsinki og er „miðstöð“ (Meeting Place) þar sem fólk hittist og getur skoðað hvað er á dagskrá í tilefni hönnunarársins. Á Hönnunarsafninu verður sýningin „Framtíðarsýn“ skoðuð, en hún fjallar um tímabilið 1940-1960 sem var „gullskeið“ finnskrar hönnunar. Arkitektasafnið býður upp á sýninguna „Strandlínur“ sem fjallar um mannvirkjagerð við strendur. Einnig verður ný timburkapella í miðbænum skoðuð sem reist hefur verið í tilefni hönnunarársins. Mikið framboð er á hönnunarviðburðum á þessum tíma og verður nánari dagskrá kynnt síðar.
28. maí - mánudagur Heimferðardagur, flogið heim með FI 343 kl. 15.30. Áætluð lending í Keflavík kl. 15.55.
Innifalið
Flug Flugvallarskattar Gisting í þrjár nætur Morgunverður Akstur til og frá flugvelli erlendis Íslensk fararstjórn
