Erla Halldórsdóttir sem þekkir borgina vel mun leiða hópinn og fara í gönguferðir um borgina ásamt því að fara í dagsferð með rútu til hinnar stórskemmtilegu borgar Brugge sem þekkt er fyrir súkkulaðiframleiðslu, góðan bjór og falleg torg með úrvali góðra veitingastaða og kaffihúsa.
Ferðin stendur yfir frá 6. - 10. september 2012. Gist er á Hotel Bedford sem er vel staðsett nálægt Grand Place sem er fallegt torg í miðborginni. Í borginni er að finna ókjörin öll af góðum veitingastöðum þar sem verðið er mjög hagstætt. Helsta verslunargatan í miðborg Brussel er Rue Neuve (Nieuwstraat) þar sem eru m.a. stór vöruhús. Fínar merkjavöruverslanir og fornmunaverslanir eru einkum í Sablon-hverfinu, milli Porte Louise og Porte de Namur og við Avenue Louise.
Saga Club Gjafabréf - Hægt er að nýta Vildarpunkta sem inneign upp í flugferð til allra áfangastaða Icelandair. Athugið að einungis er hægt að nota eitt gjafabréf fyrir hvern farþega í hverri ferð.
Nánari upplýsingar um Brussel er að finna hér. Fyrir pakkabókun til Brussel fást 3.600 Vildarpunktar.
Verð á mann í tvíbýli kr. 111.600.- Verð á mann í einbýli kr. 138.200.-
Lágmarksþátttaka 20 manns
Ferðalýsing
Fimmtudagur 6. september Brottför frá Keflavík með FI 554 kl. 07.40. Áætluð lending í Brussel er kl. 12.50 að staðartíma. Fararstjóri tekur á móti farþegum á flugvellinum í Brussel og fylgir þeim með rútu á hótelið. Á leiðinni á hótelið mun hún gefa farþegum hagnýtar upplýsingar um hvað vert er að sjá og skoða í borginni, dreifir korti þar sem búið er að merkja inná áhugaverða staði, veitingahús og fleira. Við komu á hótelið mun fararstjórinn fara í stutta gönguferð um nágrenni hótelsins svo fólk átti sig á staðsetningunni á hótelinu og viti aðeins hvað er í boði í næsta nágrenni.
Föstudagur 7. september Kl. 10:00 - 14:00 - Kynnisferð um Brussel fótgangandi. Farinn verður góður hringur um miðborg Brussel, en auðvelt er að fara um miðborgina fótgangandi. Við kíkjum inn í kirkjur og skoðum hallir og fræðumst aðeins um sögu Brussel í leiðinni. Saga Brussel nær aftur til 10. aldar og eru margar fallegar byggingar sem sýna byggingarstíl borgarinnar frá þeim tíma og fram til dagins í dag.
Seinnipartu dagsins er frjáls. Laugardagur 8. september Frjáls dagur.
Sunnudagur 9. september Skoðunarferð til Brugge í rútu. Brottför kl. 09:00. Kl. 10:00 kemur fararstjóri frá Brugge og leiðir hópinn um borgina í 3ja klst. gönguferð (létt ganga sem á að henta öllum) þar sem kynntir verða helstu merkisstaðir borgarinnar ásamt súkkulaðimenningunni sem landið er þekkt fyrir. Kl. 13:00 verður farið í síkjasiglingu og kl. 14:00 í hádegisverð á brugghús þar sem fer fram bjórsmökkun og snæddur er hádegisverður. Áætlað er að koma tilbaka til Brussel um kl. 17:00.
Mánudagur 10. september Frjáls dagur fram að brottför, með FI 559 kl. 22.30, áætluð lending í Keflavík er kl. 23.55.
Innifalið
Flug Gisting í 4 nætur með morgunmat Flugvallarskattar Íslensk fararstjórn Rútuferðir til og frá flugvelli erlendis Gönguferð um borgina með fararstjóra Dagsferð í rútu til Brugge með fararstjóra þar sem farið er í skoðunarferð, siglingu, skoðunarferð í brugghús og hádegisverður snæddur.
Saga Club Gjafabréf - Hægt er að nýta Vildarpunkta sem inneign upp í flugferð til allra áfangastaða Icelandair. Athugið að einungis er hægt að nota eitt gjafabréf fyrir hvern farþega í hverri ferð.
