Icelandair-onboard (54).jpg

Uppfærsla milli farrýma hjá Saga Gold félögum

Gegn framvísun Saga Gold kortsins geta Saga Gold félagar beðið um uppfærslu á Saga Class eða Economy Comfort í áætlunarflugi Icelandair þegar því verður við komið. Slík uppfærsla á sér stað í Saga Lounge Keflavík fyrir farþega sem ferðast frá Íslandi en á áfangastöðum utan Íslands getur uppfærslan átt sér stað við innritun ef pláss leyfir og er oftast framkvæmd við brottfararhlið.

Mikilvægt að hafa í huga

  • Við uppfærslu er aðeins uppfært upp um eitt farrými (Economy Class upp á Economy Comfort og Economy Comfort upp á Saga Class).
  • Uppfærslur eru ekki framkvæmdar um borð.
  • Þegar Saga Gold félagi fær uppfærslu milli farrýma nýtur hann þess þjónustuauka sem gildir á uppfærða farrýminu. Korthafi getur þó átt von á því að matarþjónustan sem hann fær sé frábrugðin hefðbundinni matarþjónustu viðkomandi farrýmis. Þeir skilmálar sem gilda um fargjaldið sem greitt var fyrir upphafalega haldast óbreyttir. Punktasöfnun miðast einnig við það fargjald. 
  • Saga Gold maki nýtur einnig uppfærslu fríðinda þegar hann ferðast með Icelandair.
  • Mikilvægt er fyrir Saga Gold korthafa að gefa upp Sagakortsnúmer við bókun.
  • Uppfærslan gildir einnig þegar ferðast er á Vildarmiðum.
  • Ekki er hægt að panta uppfærslu fyrirfram við bókun á söluskrifstofum Icelandair.
  • Vinsamlegast athugið að Saga Gold fríðindi eiga eingöngu við þegar ferðast er með áætlunarflugi Icelandair á FI flugnúmeri, ekki ef ferðast er á SK, AY eða B6 flugnúmerum í áætlunarflugi Icelandair.